ആദ്ധ്യാമ രാമായണത്തിന്റെ സൃഷ്ടാവാം
ആരാധ്യനായൊരെഴുത്തച്ഛന്ടെ
ആ ഗ്രാമം തന്നെയാണീയെന്റെ ഗ്രാമവും
അല്ലെങ്കില്‍ തിരൂരെന്നും പറയും
ഒരു ഗ്രാമത്തിലെന്റെയില്ലമുണ്ടേ
ഓടി നടന്നൊരു മുറ്റമുണ്ടേ
ഒപ്പം കളിച്ചോരെന്നേട്ടനുണ്ടേ
ഓര്‍മയിലവയെല്ലാമിന്നുമുണ്ടേ
ഓണം, വിഷു തിരുവാതിരകള്‍
ഓര്‍ക്കുന്നു നല്ല പിറന്നാളുകള്‍
ഓടിചെല്ലാറുള്ളോരമ്പലവും
ഓര്‍ക്കുന്നു വേലയും പൂരങ്ങളും
സംവല്സരങ്ങള്‍ക്ക് മുമ്പെപ്പഴോ
സുമംഗലിയായി, വെടിഞ്ഞു ഗ്രാമം
സുന്ദര സ്വപ്‌നങ്ങള്‍ നെയ്തു കൂട്ടി
സൌധങ്ങള്‍, കോണ്ക്രീറ്റിന്‍ നടുവിലെത്തി
ഗ്രാമ ശാലീനതക്കുപമയുണ്ടോ
ഗ്രാമവും നഗരവും വേറെയല്ലേ
ഗൃഹാതുരത്വം നിറഞ്ഞു നില്‍ക്കും
ഗൃഹങ്ങളില്‍ വാഴ്വൂ, ഖേദത്തോടെ
ആവില്ല ചൊല്ലുവാനിന്നെനിക്ക്
ആ നല്ല നാളുകളെക്കുറിച്ചു
ആ ഗ്രാമത്തില്‍ വാണ ഹേമയല്ല
ആന്തരികമായി മാറിപ്പോയി.
Subscribe to:
Post Comments (Atom)
ഗൃഹാതുരത്വമുണര്‍ത്തുന്ന വരികള്‍ .... നന്നായിരിക്കുന്നു.
ReplyDelete